கருணாநிதி பிறந்தநாள் விழாவில் பங்கேற்க லாலுபிரசாத் சம்மதம்

இந்நிலையில், பீகார் மாநில அரசியல் தலைவர்களுக்கு அழைப்பு விடுப்பதற்காக, தி.மு.க. எம்.பி. கனிமொழி நேற்று பாட்னாவுக்கு சென்றார். ஐக்கிய ஜனதாதள தலைவரும், முதல்-மந்திரியுமான நிதிஷ் குமாரை அவரது இல்லத்தில் சந்தித்தார்.

கருணாநிதி பிறந்தநாள் விழாவுக்கு வருமாறு அழைப்பிதழ் கடிதத்தை வழங்கினார். மேலும், தி.மு.க. செயல் தலைவர் மு.க.ஸ்டாலினை தொலைபேசியில் தொடர்பு கொண்டு, நிதிஷ் குமாருடன் பேச வைத்தார்.

அழைப்பை ஏற்றுக் கொண்ட நிதிஷ் குமார், கருணாநிதி பிறந்தநாள் விழாவில் பங்கேற்பதாக உறுதி அளித்தார். இத்தகவலை கனிமொழியை நிதிஷ் குமார் இல்லத்துக்கு அழைத்துச் சென்ற ஐக்கிய ஜனதாதள பொதுச்செயலாளர் கே.சி.தியாகி தெரிவித்தார். ஜனாதிபதி தேர்தலில், பொது வேட்பாளரை ஆதரிப்பது என்று ஐக்கிய ஜனதாதளமும், தி.மு.க.வும் ஒருமித்த கருத்து கொண்டிருப்பதாகவும் அவர் கூறினார்.