திண்டுக்கல் மாவட்டத்தில் பலத்த பாதுகாப்புடன் வாக்கு எண்ணிக்கை

அய்யம்பாளையம், வத்தலகுண்டு, பட்டிவீரன்பட்டி, சேவுகம்பட்டி ஆகிய பேரூராட்சி பகுதிகளுக்கான வாக்கு எண்ணிக்கை பட்டிவீரன்பட்டி என்.எஸ்.வி.வி. ஆண்கள் மேல்நிலைப்பள்ளியிலும், கொடைக்கானல் நகராட்சி மற்றும் பண்ணைக்காடு பேரூராட்சி பகுதிகளுக்கான வாக்கு எண்ணிக்கை கொடைக்கானல் அன்னை தெரசா மகளிர் பல்கலைக் கழகத்திலும் நடந்தது.

வாக்கு எண்ணிக்கை காலை 8 மணிக்கு தொடங்கியது. முதலில் தபால் வாக்குகள் எண்ணப்பட்டு முடிவுகள் அறிவிக்கப்பட்டன.

திண்டுக்கல் மாநகராட்சியில் மொத்தமுள்ள 48 வார்டுகளில் முதலில் 14 வார்டுகளுக்கு வாக்கு எண்ணும் பணி நடைபெற்றது. அப்போது அந்த 14 வார்டுகளுக்கு உரிய முகவர்கள் மட்டும் உள்ளே அனுமதிக்கப்பட்டனர்.

இதே போல கொடைக்கானல் நகராட்சியில் மொத்தமுள்ள 38 வாக்குச்சாவடிகளுக்கு 7 வாக்கு எண்ணும் பணி மேஜை வீதம் 6 சுற்றுகளாகவும், ஒட்டன்சத்திரம் நகராட்சியில் மொத்தமுள்ள 31 வாக்குச்சாவடிகளுக்கு 4 வாக்கு எண்ணும் பணி மேஜை வீதம் 8 சுற்றுகளாகவும், பழனி நகராட்சியில் மொத்தமுள்ள 71 வாக்குச்சாவடிகளுக்கு 5 வாக்கு எண்ணும் மேஜை வீதம் 15 சுற்றுகளாகவும் நடைபெற்றது.

மேலும், மாவட்டத்தில் மொத்தம் உள்ள 23 பேரூராட் சிகளுக்கும் வாக்கு எண்ணும் பணி நடைபெற்றது.

மாவட்டத்தில் மொத்தமுள்ள 737 வாக்குச்சாவடிகளுக்கு 96 வாக்கு எண்ணும் மேஜைகளில் வாக்கு எண்ணும் பணியானது குறைந்தபட்சம் 4 சுற்றுகளாகவும், அதிக பட்சம் 15 சுற்றுகளாகவும் நடைபெற்றது.

வாக்கு எண்ணிக்கை மையத்துக்கு வந்தவர்கள் உரிய ஆவணங்கள் வைத்துள்ளனரா என்று பரிசோதனை செய்யப்பட்டு அனுமதிக்கப்பட்டனர். திண்டுக்கல் வாக்கு எண் ணிக்கை மையம் அமைந்த பகுதி முழுவதும் போலீஸ் பாதுகாப்புக்குள் கொண்டு வரப்பட்டு வெளி நபர்கள் உள்ளே வராத வகையில் ஏற்பாடு செய்யப்பட்டு இருந்தது.

இதனால் அந்த பகுதியில் கடுமையான போக்குவரத்து நெரிசல் ஏற்பட்டது. இதே போல் மாவட்டத்தில் உள்ள ஒவ்வொரு வாக்குச்சாவடி மையம் முன்பும் தடுப்புகள் அமைக்கப்பட்டு இருந்ததால் கடும் நெரிசல் ஏற்பட்டது.