திருப்பூர் மாவட்டத்தில் ஒரே நாளில் 7,673 சிறார்களுக்கு தடுப்பூசி

இதற்கிடையே 15 வயது முதல் 18 வயதுடைய சிறார்களுக்கு தடுப்பூசி போடும் திட்டத்தை தமிழக முதல்-அமைச்சர் மு.க.ஸ்டாலின் தொடங்கிவைத்தார். திருப்பூர் மாவட்டத்தில் இந்த திட்டத்தை அரசு பள்ளியில் அமைச்சர்கள் மு.பெ.சாமிநாதன்,கயல்விழி செல்வராஜ் ஆகியோர் தொடங்கி வைத்தனர்.

மாவட்டத்தின் பல்வேறு பகுதிகளில் பள்ளிகளுக்கு சென்ற மாணவ-மாணவிகளுக்கு தடுப்பூசி செலுத்தப்பட்டது. அதன்படி நேற்று ஒரே நாளில் திருப்பூர் மாவட்டத்தில் 7,673 பேருக்கு தடுப்பூசி செலுத்தப்பட்டுள்ளது. 1 லட்சத்துக்கும் மேற்பட்டவர்களுக்கு தடுப்பூசி செலுத்த வேண்டிய நிலையில், மற்ற மாணவ-மாணவிகளுக்கும், பள்ளி செல்லாத சிறார்களுக்கும் தடுப்பூசி செலுத்துவதற்கான ஏற்பாடுகள் செய்யப்பட்டு வருகிறது என சுகாதாரத்துறை அதிகாரிகள் தெரிவித்தனர்.