ரேஷன் கடை ஊழியர்கள் பணியிட மாறுதல்களை ரத்து செய்ய வேண்டும்- மேயரிடம் மனு

திருப்பூர் வடக்கு அங்கேரிபாளையம் பகுதியில் உள்ள செட்டிபாளையம் தொடக்க வேளாண்மை கூட்டுறவு சங்கத்துக்கு உட்பட்ட 24 நியாயவிலைக் கடைகளில் பணியாற்றும் ஊழியர்களுக்கு சட்டவிரோதமாக பணியிடமாறுதல்கள் வழங்கப்பட்டுள்ளன. இதனால் கடை ஊழியர்கள் கடந்த பிப்ரவரி 28-ந்தேதி முதல் மார்ச் 4&ந் தேதி வரை பணிக்குச் செல்லாததுடன், மன உளைச்சலுக்கும் ஆளாகியுள்ளனர்.

இதுதொடர்பாக பாதிக்கப்பட்ட ஊழியர்கள் சம்பந்தப்பட்ட அதிகாரிகளிடம் மனு அளித்தும் எந்தவிதமான நடவடிக்கையும் எடுக்கப்படவில்லை. இந்த பணியிட மாறுதல்களானது சங்க நிர்வாகிகள் அரசியல் காழ்ப்புணர்ச்சி காரணமாகவே எடுத்துள்ளனர்.