திருப்பூரில் மெட்ரோ ரெயில் திட்டம் தொழில் துறையினர் எதிர்பார்ப்பு

மேயர் மற்றும் கவுன்சிலர்கள், சுயநலமற்றவர்களாக மக்கள் பணி செய்யவேண்டும். உள்கட்டமைப்பு வசதிகளை மேம்படுத்தி இந்த நகரையும், தொழிலையும் மேலும் வளர்ச்சி பெற செய்ய வேண்டும்.

திருப்பூரில் ‘ஸ்மார்ட் சிட்டி’ திட்டம் முடிந்த உடனேயே, அடுத்த கட்ட மேம்பாட்டு பணிகளை வகுத்து செயல்படுத்தவேண்டும். உயர் மட்ட பாலங்கள் கட்டவேண்டும். 

தொழில் நிமித்தமாக தினம் ஏராளமானோர் கோவையிலிருந்து திருப்பூர் வந்துசெல்கின்றனர். திருப்பூர் மாணவர்கள் உயர்கல்விக்காகவும், நோயாளிகள் உயர் சிகிச்சைகளுக்காக கோவை சென்று வருகின்றனர். 

திருப்பூரில் அவிநாசி ரோடு, பல்லடம் ரோட்டுக்கு இடைப்பட்ட பகுதியிலிருந்து கோவையை இணைக்கும் வகையில் மெட்ரோ ரெயில் திட்டம் தயாரிக்க வேண்டும். 

இதன் மூலம் தொழிலாளர், மாணவர்கள், நோயாளிகள் ஏராளமானோர் பயன்பெறுவர் என்றனர்.