மா சாகுபடியில் பூ, பிஞ்சு உதிர்வதை தடுக்கும் வழிமுறைகள் - தோட்டக்கலைத்துறை விளக்கம்

மாமரங்கள் பூ பூக்கும் சமயத்தில் 3 வாரங்களுக்கு ஒருமுறை நீர் பாய்ச்ச வேண்டும். தோட்டத்து மண் 3 செ.மீ., ஆழத்துக்கு காய்ந்த பின் நீர் பாய்ச்சினால் போதும். மாந்தோப்பை சுற்றிலும் காற்று தடுப்பான் மரங்களை வைத்து பராமரித்தால், காற்றினால் பூக்கள் மற்றும் பிஞ்சுகள் உதிர்வதை தடுக்கலாம். சவுக்கு போன்ற மரக்கன்றுகளை அதிக அளவில் நட்டு காற்று அதிகளவில் படாமல் பாதுகாக்கலாம்.

உரம் அனைத்தும் சம அளவில் வைக்க வேண்டும். குறிப்பாக, மக்னீசியம் மற்றும் கால்சியம் குறைபாடு இல்லாமல் இருக்க வேண்டும். பூச்சி மற்றும் நோய் தாக்குதலை கட்டுப்படுத்தி, பூக்கள் பிஞ்சு பிடித்ததற்கு பிறகே பரிந்துரைக்கப்பட்ட மருந்தை அடிக்க வேண்டும். இதனால் மகரந்த சேர்க்கை பாதிக்காமல் இருக்கும். இந்த வழிமுறைகளை பின்பற்றினால், சாகுபடியில் அதிக விளைச்சல் பெற முடியும். இவ்வாறு தோட்டக்கலைத்துறையினர் தெரிவித்தனர்.