ஆர்டர் இழப்பு - மூலப்பொருட்கள் விலை உயர்வால் தத்தளிக்கும் சாய ஆலைகள்

50 கிலோ கொண்ட சோடா ஆசிட் மூட்டை ரூ. 2 ஆயிரம் ரூபாயிலிருந்து 3,500 ரூபாயாக அதிகரித்துள்ளது. கடந்த சில நாட்களாக அடிக்கடி மின் வெட்டு ஏற்படுவது, வேதனையை இன்னும் கூட்டுகிறது. சாய ஆலை தொழிலாளர்களுக்கு முழு அளவில் வேலை வழங்க முடியவில்லை. எப்போது வேண்டுமானாலும் தொழில் இயல்புநிலைக்கு திரும்பலாம். அப்போது தொழிலாளரின்றி தவிக்க நேரிடும்.

எனவே சாய ஆலை இயக்கம் குறைந்தாலும்கூட, சாப்பாடு உட்பட அத்தியாவசிய தேவைகளை பூர்த்தி செய்து தொழிலாளரை தக்கவைத்து வருகிறோம். பொது கழிவுநீர் சுத்திகரிப்பு மையங்களை நிறுவி, சுற்றுச்சூழலுக்கு பாதிப்பு ஏற்படாதவகையில் திருப்பூர் சாய ஆலைகள் இயங்குகின்றன.

இந்நிலையில் சொற்ப லாபத்துக்காக சில ஆடை உற்பத்தியாளர்கள் தேனி, மதுரை, ஈரோடு, நாமக்கல், பெங்களூருவில் இயங்கும் முறைகேடு சாய ஆலைகளுக்கு ஆர்டர் வழங்குவது கவலை அளிக்கிறது. தற்போதைய சூழலில் வெளிமாவட்டம், வெளிமாநிலங்களுக்குச் செல்லும் ஆர்டர்கள், திருப்பூர் சாய ஆலைகளுக்கு கிடைத்தால் கூட ஓரளவு சிறப்பாக இயங்க முடியும். இவ்வாறு அவர் கூறினார்.