செல்போன் டவர்களால் மட்டும் பறவை இனங்கள் அழியவில்லை - இயற்கை கழக தலைவர் தகவல்

அவர் மேலும் கூறியதாவது:

பறவையினங்கள் இல்லாவிட்டால் மனித இனம் வாழ முடியாது என்பதுதான் நிதர்சனம். மரங்களிலும் ஓட்டு வீடுகளின் முற்றங்களில் மட்டும் தான் பறவையினங்கள் கூடு கட்டும் என்பதல்ல. 

கல்பொறுக்கி பறவை, கல்கவுதாரி போன்ற பறவையினங்கள் புல்வெளி நிறைந்த தரையிலும் முட்டையிட்டு குஞ்சு பொறிக்கும். நகரமயமாக்கல், வனங்கள் அழிப்பு, மரங்களின் அழிவு போன்ற பல காரணங்களால் பறவைகளுடனான உறவு மெல்ல, மெல்ல தொலைந்து கொண்டிருக்கிறது. 

புல்வெளிகளின் அழிவால் அவற்றின் இனப்பெருக்கமும் குறைந்துவிட்டது. கானமயில் எனப்படும் பறவையினம் இல்லாமலே போய்விட்டது. செல்போன் டவர்களால்தான் பறவை இனங்களின் எண்ணிக்கை குறைந்துவிட்டது என்பதல்ல விஷயம். 

ஓட்டு வீடுகள் அனைத்தும் கான்கிரீட் கட்டடமாகிவிட்டன. பறவையினங்களின் வாழ்வாதாரம் சிதைக்கப்பட்டிருக்கிறது. இவைதான் பறவையினங்களின் எண்ணிக்கை குறைய முக்கிய காரணம். ரசாயன உரம் கலந்த மண்ணில் உள்ள புழு, பூச்சிகளை உண்ணும் பறவையினங்கள் இறந்து போவதும் ஒரு காரணம். 

விவசாய நிலங்களில் பூச்சி தாக்குதலில் இருந்து 85 சதவீதம் பயிர்கள் பாதுகாப்புடன் இருக்க பறவையினங்கள் உதவுகின்றன. எனவே பறவையினங்கள் நிறைந்துள்ள இடத்தில் அவற்றின் வாழ்விடத்தை தக்க வைப்பது மரங்களை வளர்ப்பது என இயற்கை சார்ந்த விஷயங்களுடன் இணைந்திருப்பதால் மட்டுமே பறவையினங்களும் நம்முடன் பிணைந்திருக்கும்.

நகரமாயக்கல், வனங்கள் அழிப்பு, மரங்களின் அழிவு போன்ற பல காரணங்களால், பறவைகளுடனான உறவு மெல்ல, மெல்ல தொலைந்து கொண்டிருக்கிறது. புல்வெளிகளின் அழிவால் அவற்றின் இனப்பெருக்கமும் குறைந்துவிட்டது. கானமயில் எனப்படும் பறவையினம் இல்லாமலே போய்விட்டது என்றார்.