போட்டிப்போட்டு வேட்பு மனு தாக்கல் செய்த வேட்பாளர்கள்

எனவே அனைத்து தேர்தல் அலுவலகங்களிலும் வேட்பாளர்களை சமாளிக்கும் வகையில் டோக்கன் வழங்குதல், கூடுதல் பாதுகாப்பு உள்ளிட்ட ஏற்பாடு செய்யப்பட்டு இருந்தது. மனு தாக்கல் செய்ய வேட்பாளருடன் 3பேர் மட்டுமே செய்ய அனுமதி அளிக்கப்பட்டு இருந்தது.

இதனால் வேட்பாளருடன் மனு தாக்கல் செய்ய வந்தவர்களில் 2பேர் தவிர மற்ற அனைவரும் அலுவலகத்திற்கு வெளியே நிறுத்தி வைக்கப்பட்டனர். இதன் காரணமாக மாவட்டம் முழுவதும் வேட்பு மனு தாக்கல் நடைபெறும் இடங்களில் அரசியல் கட்சி நிர்வாகிகள், தொண்டர்கள் கூட்டம் நிரம்பி வழிந்தது. அப்பகுதியே களை கட்டி காணப்பட்டது. 

நாளை 5-ந்தேதி மனுக்கள் பரிசீலனைக்கு எடுக்கப்படுகிறது. உரிய வகையில் பூர்த்தி செய்யாத மற்றும் ஆவணங்கள் இணைக்கப்படாத மனுக்கள் தள்ளுபடி செய்யப்படும். வரும் 7-ந் தேதி, மனுக்கள் வாபஸ் பெறுவதற்கான கடைசி நாள். அதன் பின் இறுதி வேட்பாளர் பட்டியல் வெளியிடப்படும் என்று தேர்தல் அதிகாரிகள் தெரிவித்தனர்.