பாளையங்கோட்டையில் வாலிபர் மர்மச்சாவு

அவருக்கு தீவிர சிகிச்சை அளிக்கப்பட்ட நிலையில் இன்று அதிகாலை பரிதாபமாக இறந்தார். இதுகுறித்து பாளை போலீசார் வழக்குப்பதிவு செய்து விசாரணை நடத்தினர். ஹரிகரன் உடலில் காயம் இருந்ததால் அவரது நண்பர்களை பிடித்து போலீசார் விசாரணை நடத்தி வருகின்றனர்.

ஹரிகரன் மதுபோதையில் சாந்திநகர் நண்பர் வீட்டுக்கு சென்றுள்ளார். அங்கு சக நண்பர்களுடன் சேர்ந்து மீண்டும் மது குடித்ததாக தெரிகிறது. அங்குள்ள மொட்டை மாடியில் நின்று அனைவரும் பேசிக்கொண்டிருந்தனர்.

அப்போது அவர்களுக்குள் ஏதேனும் வாக்குவாதம் ஏற்பட்டு கைகலப்பு ஏற்பட்டு, அதன் காரணமாக ஹரிகரனை மொட்டை மாடியில் இருந்து நண்பர்கள் கீழே தள்ளி விட்டார்களா? அல்லது மதுபோதையில் ஹரிகரன் மாடியில் இருந்து தவறி விழுந்து இறந்தாரா? என்பது குறித்து போலீசார் விசாரித்து வருகின்றனர். இது தொடர்பாக சம்பவம் நடந்த வீட்டுக்கு சென்று போலீசார் ஆய்வு செய்து வருகின்றனர்.