குறுகிய கால நெல் பயிரின் பாய் நாற்றாங்கால் தயாரிக்கும் பணி

ஊரக வேளாண் பணி அனுபவமானது‌, வேளாண் மாணவர்களுக்கு கிராமங்களின் நிலையைப் பற்றி அறியவும், விவசாயிகளின் பிரச்சனைகளை கண்டறிந்து அதற்கான தீர்வை நல்குவதாகும். அதன் ஒரு பகுதியாக கொல்லாங்கரை என்னும் கிராமத்தில்  குறுகிய கால நெல் பயிரின் பாய் நாற்றாங்கால் தயாரிக்கும் பணியில் ஈடுபட்டனர்.

14-20 நாட்களில் வீரியமுள்ள நெல் நாற்றுக்களைப் பெற இம்முறை ஏற்றது. சமப்படுத்தப்பட்ட தரையிலோ, வயலிலோ  நெகிழித்தாள் பரப்ப வேண்டும். தாளின் மீது மரச் சட்டத்தை (1.0 மீநீளம், 0.5 மீ அகலம், 4.0 செமீ உயரம்) வைத்து, அதில் வளமான மண் கலவையைப் பரப்ப வேண்டும்.