நில இழப்பீடு வழங்கப்படாததால் தஞ்சை கோட்டாட்சியர் அலுவலகத்தில் ஜப்தி

அப்போது இந்த நிலத்துக்கு ரூ.1.50 லட்சம் இழப்பீடு நிர்ணயிக்கப்பட்டது. இத்தொகை போதுமானதாக இல்லை எனக் கூறி வருவாய் துறையினரிடம் திரிசங்கு முறையிட்டார். ஆனால் ரூ. 1.50 லட்சத்துக்கு மேல் தொகை நிர்ணயிக்கப்படாததால், இதுதொடர்பாக தஞ்சாவூர் இரண்டாவது கூடுதல் மாவட்ட அமர்வு நீதிமன்றத்தில் 1994 ஆம் ஆண்டு திரிசங்கு வழக்கு தொடுத்தார்.

கிராம நிர்வாக அலுவலராக இருந்த இவர் ஓய்வு பெற்று சில ஆண்டுகளுக்கு முன்பு காலமானார். இதைத்தொடர்ந்து, இந்த வழக்கை இவரது மகன்கள் பாண்டிய ராம நாராயணன், வெங்கடேசன் நடத்தி வந்தனர். இவர்களுக்காக நீதிமன்றத்தில் வழக்குரைஞர் சிவக்குமார் ஆஜராகி வாதாடினார். இந்த வழக்கில் விசாரணைக்குப் பிறகு திரிசங்கு குடும்பத்துக்கு 12 சதவீத வட்டியுடன் ரூ. 33.02 லட்சம் இழப்பீடு வழங்குமாறு 2018 ஆம் ஆண்டில் நீதிமன்றம் உத்தரவிட்டது.