கல்லணை கால்வாயில் சீரமைப்பு பணிகள் தீவிரம்

 கல்லணை கால்வாய் தலைப்பிலிருந்து கால்வாயில் படுக்கை தளம் அமைக்கும் பணிகள், ஒவ்வொரு பகுதியாக நவீன இயந்திரங்கள் மூலம் மேற்கொள்ளப்பட்டு அதில் தண்ணீர் நிறுத்தப்பட்டு உள்ளது. மேலும் தளம் அமைக்க வேண்டிய பகுதிகளில் ராட்சத இயந்திரங்கள் மூலம் மண் மேடுகள் அகற்றப்பட்டு, சமப்படுத்தும் பணிகளும் தீவிரமாக நடைபெற்று வருகின்றன. 

இந்த பகுதிகளில் உள்ள கீழ் போக்கு பாலங்களில் வலுப்படுத்தும் பணிகளையும் அதற்கென உள்ள தொழிலாளர்கள் மேற்கொண்டு வருகின்றனர். கல்லணையிலிருந்து கல்லணை கால்வாய் நெடுகிலும் கான்கிரீட் தளம் அமைக்கும் பணிகளும், அதற்கான கான்கிரீட் கலவை கொண்டு செல்லும் லாரிகள் குறுக்கும் நெடுக்கும் சென்று கொண்டிருக்கின்றன.