மாடு மேய்த்த பெண்ணிடம் செயின், செல்போன் பறிப்பு

ஒரத்தநாடு:

தஞ்சாவூர் மாவட்டம் ஒரத்தநாடு அருகே உள்ள தொண்டராம்பட்டு கிராமத்தைச் சேர்ந்த பாண்டியன். இவரது மனைவி செந்தமிழ்ச்செல்வி (வயது 45). அப்பகுதியில் உள்ள வயல்வெளியில் மாடு மேய்த்தபோது அந்த வழியாக மோட்டார் சைக்கிளில் வந்த 2 பேர் அந்த பெண்ணிடம் முகவரி கேட்பது போல் நடித்து அவர் அணிந்திருந்த செயினையும், செல்போனையும் பறித்து கொண்டு தப்பி விட்டனர். இதுகுறித்து செந்தமிழ்ச்செல்வி பாப்பாநாடு போலீசில் புகார் கொடுத்துள்ளார் புகாரின்பேரில் போலீசார் வழக்குப்பதிவு செய்து 2 மர்மநபர்களையும் தேடி வருகின்றனர்.