சென்னை இரட்டை கொலை: தொழில் அதிபர்-மனைவியின் உடல் இன்று பிரேத பரிசோதனை

ஸ்ரீகாந்த், அனுராதா தம்பதிக்கு ஒரு மகள், மகன் உள்ளனர். இவர்களில் மகள் சுனந்தா மூத்தவர். அவர் திருமணமாகி அமெரிக்காவில் வசித்து வருகிறார். கலிபோர்னியாவில் உள்ள கல்லூரி ஒன்றில் பேராசிரியையாக இருக்கும் இவருக்கு பிறந்துள்ள குழந்தையை பார்ப்பதற்குத்தான் ஸ்ரீகாந்த், மனைவி அனுராதாவுடன் சென்று இருந்தார். மகன் பெயர் ஜாஸ்வத். இவர் அமெரிக்காவில் டாக்டருக்கு படித்து வருகிறார்.

இப்படி தங்களது பிள்ளைகள் இருவரும் அமெரிக்காவில் இருப்பதை உறவினர்களிடமும், நண்பர்களிடமும் ஸ்ரீகாந்தும், அனுராதாவும் பெருமையாக சொல்லி வந்துள்ளனர். இந்த நிலையில்தான் இருவரும் பரிதாபமாக கொலை செய்யப்பட்டு உயிரிழந்துள்ளனர்.

இந்த நிலையில் பெற்றோரின் இறுதி சடங்குகளில் பங்கேற்பதற்காக சுனந்தா, ஜாஸ்வத் இருவரும் இன்று கண்ணீருடன் சென்னை வருகிறார்கள். ஸ்டான்லி அரசு ஆஸ்பத்திரியில் இன்று பிரேத பரிசோதனை செய்யப்பட்ட பின்னர் ஸ்ரீகாந்த், அனுராதாவின் உடல்கள் உறவினர்களிடம் ஒப்படைக்கப்படுகிறது. நாளை இறுதிச் சடங்குகள் நடைபெற உள்ளன.