கொடநாடு கொலை, கொள்ளை வழக்கு- அ.தி.மு.க. பிரமுகர் அனுபவ்ரவியிடம் தனிப்படை விசாரணை

இந்த நிலையில் இந்த வழக்கில் கோவையை சேர்ந்த அ.தி.மு.க. பிரமுகரும், நகைக்கடை உரிமையாளருமான அனுபவ் ரவியிடம் மீண்டும் விசாரணை நடத்த முடிவு செய்த தனிப்படை போலீசார் அவரை விசாரணைக்கு ஆஜராகுமாறு கடந்த சில தினங்களுக்கு முன்பு சம்மன் அனுப்பினர்.

இதையடுத்து இன்று காலை அவர் கோவை போலீஸ் பயிற்சி பள்ளி மைதானத்தில் உள்ள அலுவலகத்தில் விசாரணைக்கு ஆஜரானார். அவரிடம் மேற்கு மண்டல ஐ.ஜி. சுதாகர் முன்னிலையில் தனிப்படை போலீசார் விசாரணை நடத்தி வருகின்றனர். இவரிடம் கொடநாடு கொலை, கொள்ளை வழக்கு தொடர்பான பல கேள்விகளை கேட்டு விசாரித்தனர்.

அனுபவ் ரவி கோவை மாநகர் மாவட்ட ஜெயலலிதா பேரவை இணை செயலளாராக உள்ளார். மேலும் இவர் கொடநாடு வழக்கு குறித்து தன்னிடம் மறு விசாரணை நடத்தக் கூடாது என கோரி கோர்ட்டில் வழக்கு தொடர்ந்தார். ஆனால் அந்த வழக்கை கோர்ட்டு தள்ளுபடி செய்தது. இந்த நிலையில் தான் அ.தி.மு.க. பிரமுகரான அனுபவ் ரவியிடம் தனிப்படை போலீசார் மீண்டும் விசாரணை நடத்தி வருகின்றனர்.