நிலத்தரகர் கொலையில் விவசாயி கைது- மேலும் 5 பேருக்கு வலைவீச்சு

இந்த நிலையில் நேற்று இந்த வழக்கு விசாரணை நடைபெற்று வரும் நெல்லை கோர்ட்டில் வைகுண்டம் சாட்சி கூறுவதாக இருந்தது. இதற்காக அவர் நேற்று காலையிலேயே அந்த பகுதியில் உள்ள பாளையம் கால்வாயில் குளிக்கச் சென்றபோது, கொலை முயற்சி வழக்கில் சம்பந்தப்பட்டவர்கள் இவரை வெட்டிக் கொலை செய்தது தெரியவந்தது.

இதைத்தொடர்ந்து கொலையாளிகளை விரைந்து கைது செய்ய 3 தனிப்படைகள் அமைத்து மாவட்ட போலீஸ் சூப்பிரண்டு பொறுப்பு சுரேஷ்குமார் உத்தரவிட்டார். டி.எஸ்.பி. ஜெபராஜ், இன்ஸ்பெக்டர்கள் பாலகிருஷ்ணன், பத்மநாப பிள்ளை ஆகியோர் தலைமையில் இந்த 3 தனிப்படை போலீசாரும் தீவிர தேடுதல் வேட்டை நடத்தினார்கள்.

இதில் சம்பவம் நடந்த சில மணி நேரங்களில் கொலைக்கு உடந்தையாக இருந்த பாளையம் செட்டி குலத்தைச் சேர்ந்த ராஜன் (வயது 67) என்ற விவசாயியை போலீசார் கைது செய்தனர்.

மேலும் வைகுண்டம் கொலையில் சம்பந்தப்பட்ட பாளையம் செட்டி குளத்தைச் சேர்ந்த செல்வராஜ், பிரபாகரன் உள்பட மேலும் அவரது ஆதரவாளர்கள் 5-க்கும் மேற்பட்டவர்களை போலீசார் வலைவீசி தேடி வருகிறார்கள்.

இந்த நிலையில் கொலை செய்யப்பட்ட வைகுண்டத்தின் உடல் இன்று பிரேத பரிசோதனை முடிந்து அவரது உறவினர்களிடம் ஒப்படைக்கப்படுகிறது. இதைத் தொடர்ந்து பாளையம் செட்டிகுளம் மற்றும் சுற்றுப் பகுதியில் உள்ள அனைத்து கிராமங்களிலும் போலீசார் குவிக்கப்பட்டுள்ளனர். மேலும் அசம்பாவிதம் நடைபெறாமல் இருக்க அந்த பகுதி முழுவதும் போலீசார் தீவிர ரோந்து பணியிலும் ஈடுபட்டு வருகிறார்கள்.