டவுன் மார்க்கெட்டில் லோடு ஆட்டோ டிரைவர் கொலை: கைதான சப்-இன்ஸ்பெக்டர் ‘சஸ்பெண்டு’

இந்நிலையில் கைதான சப்-இன்ஸ்பெக்டர் அழகு பாண்டியனை சஸ்பெண்டு செய்து மாநகர போலீஸ் கமி‌ஷனர் சந்தோஷ்குமார் உத்தரவிட்டுள்ளார்.

இதற்கிடையே நேற்று சசிகுமாரின் உறவினர்கள் நெல்லை-சங்கரன்கோவில் மெயின் ரோட்டில் சாலை மறியலில் ஈடுபட்டனர். சசிகுமாரின் குடும்பத்திற்கு நிவாரணம் வழங்க வேண்டும், அவரது மனைவிக்கு அரசு வேலை வழங்க வேண்டும் என்பது உள்ளிட்ட கோரிக்கைகளை வலியுறுத்தி சசிகுமார் உடலை வாங்க மறுத்தனர்.

அவர்களிடம் ஆர்.டி.ஓ. சந்திரசேகர் தலைமையில் அதிகாரிகள் மற்றும் போலீசார் பேச்சுவார்த்தை நடத்தினர். ஆனால் அதில் உடன்பாடு ஏற்படவில்லை.

இதைத்தொடர்ந்து இன்று 2-வது நாளாக பேச்சுவார்த்தை நடந்தது. நயினார் நாகேந்திரன் எம்.எல்.ஏ. சுப்பையாபுரம் சென்று போராட்டத்தில் ஈடுபட்ட சசிகுமாரின் உறவினர்களிடம் பேச்சுவார்த்தை நடத்தினார்.

அப்போது அவர்களின் கோரிக்கையை ஏற்று சசிகுமாரின் மனைவிக்கு அங்கன்வாடியில் வேலைக்கு ஏற்பாடு செய்யப்படும் எனவும், அவர்களுக்கு அரசு மூலம் இலவச வீடு கட்டி கொடுக்கப்படும் எனவும் உறுதி அளிக்கப்பட்டது.

மேலும் சசிகுமாரின் 2 மகன்களின் படிப்பு செலவு முழுவதையும் ஏற்றுக்கொள்வதாக நயினார் நாகேந்திரன் எம்.எல்.ஏ. கூறினார்.

அதைத்தொடர்ந்து சசிகுமார் உடலை பெற்றுக்கொள்ள அவரது உறவினர்கள் சம்மதம் தெரிவித்தனர்.