திண்டுக்கல்லில் அம்மன் சிலையை உடைத்த மர்ம கும்பல்- உண்டியலில் பணம் இல்லாததால் ஆத்திரம்

நேற்று பூஜை முடிந்ததும் கோவிலை பூட்டிச்சென்றனர். இன்று அதிகாலை கோவிலில் புகுந்த மர்மநபர்கள் அம்மனின் கிரீடம் மற்றும் இடதுகையை சேதப்படுத்தி சென்றனர். சிலை உடைக்கப்பட்டிருப்பதை கண்டு அதிர்ச்சி அடைந்த அப்பகுதி மக்கள் நகர் தெற்கு போலீசாருக்கு தகவல் தெரிவித்தனர். அவர்கள் விரைந்து வந்து விசாரணை நடத்தினர். அதில் இன்று காலை சம்பவம் நடைபெற்றது தெரியவந்துள்ளது.

மேலும் அருகில் இருந்த உண்டியலில் குறைந்த அளவே பணம் இருந்துள்ளது. எனவே பணம் கிடைக்காத ஆத்திரத்தில் சிலையை உடைத்திருக்கலாம் என அப்பகுதி மக்கள் சந்தேகிக்கின்றனர். மேலும் அந்த பகுதியில் உள்ள கண்காணிப்பு கேமிரா பதிவுகளை போலீசார் ஆய்வு செய்ய முடிவு செய்துள்ளனர். மேலும் கைரேகை தடயங்களையும் பதிவு செய்து மர்மநபர்களை தேடி வருகின்றனர்.