அபுதாபியில் இன்று காலை முதல்- அமைச்சர் மு.க.ஸ்டாலின் தொழில் அதிபர்களுடன் சந்திப்பு

இந்திய துணை தூதரகத்தின் சார்பில் ஏற்பாடு செய்யபட்டிருந்த நம்மில் ஒருவர்.... நம்ம முதல்வர்’ என்ற நிகழ்ச்சியில் முதல்-அமைச்சர் மு.க. ஸ்டாலின் கலந்துகொண்டு உரையாற்றினார்.

மாலை மலர்

Published:28th Mar, 2022 at 12:11 PM

சென்னை:

முதல்-அமைச்சர் மு.க. ஸ்டாலின் 5 நாள் அரசு முறை பயணமாக கடந்த 24-ந்தேதி மாலை துபாய் சென்றார்.

அங்கு ஐக்கிய அரபு அமீரகத்தின் பொருளாதார அமைச்சகத்துக்கு சென்று அமைச்சர்கள் மற்றும் அதிகாரிகளை சந்தித்து தமிழகத்தில் பல்வேறு துறைகளில் முதலீடுகள் மேற் கொள்வது குறித்து ஆலோசனை மேற்கொண்டார்.

அதன்பிறகு அங்கு நடைபெற்ற சர்வதேச வர்த்தக கண்காட்சியில் தமிழகத்திற்கான அரங்கை தொடங்கி வைத்து பார்வையிட்டார்.

அதைத்தொடர்ந்து துபாயில் உள்ள ஐக்கிய அரபு நாடுகளின் முதலீட்டாளர்களை சந்தித்து பேசினார். அவரது முன்னிலையில் புரிந்துணர்வு ஒப்பந்தங்களில் கையெழுத்திடப்பட்டன.

இதையடுத்து இந்திய துணை தூதரகத்தின் சார்பில் ஏற்பாடு செய்யபட்டிருந்த நம்மில் ஒருவர்.... நம்ம முதல்வர்’ என்ற நிகழ்ச்சியில் முதல்-அமைச்சர் மு.க. ஸ்டாலின் கலந்துகொண்டு உரையாற்றினார். இந்த நிகழ்ச்சியில் மட்டும் சுமார் 3 ஆயிரம் தமிழர்கள் கலந்து கொண்டனர்.