சேலம்,
சேலம் பொன்னம்மாப்-பேட்டை வாட்டர் டேங்க் பகுதியில் இன்று அதிகாலை ரேசன் அரிசி மூட்டைகளுடன் நீண்ட நேரமாக ஒரு வாகனம் நிற்பதாக உணவு கடத்தல் தடுப்பு பிரிவு போலீசாருக்கு தகவல் கிடைத்தது.
இதையடுத்து அங்கு விரைந்து சென்ற போலீசார் அதனை சோதனை செய்-தனர்.
அப்போது 40 கிலோ எடை கொண்ட 50 மூட்டைகளில் ரேசன் அரிசி இருப்பது தெரியவந்தது. வாகனத்தில் இருந்த பொன்னம்மாப்பேட்டையை சேர்ந்த பிரவீன்குமார் (வயது 33), நெத்திமேட்டை சேர்ந்த சந்தோஷ்குமார் (34) ஆகிய 2 பேரை பிடித்து போலீசார் விசாரணை நடத்தினர்.
அப்போது ரேசன் அரிசியை கடத்தி வந்து மாவாக அரைக்க முயன்றதும், பின்னர் அதனை ஓட்டல்-களுக்கு சப்ளை செய்ய முயன்றதும் தெரிய வந்தது. இதையடுத்து 2 பேரையும் கைது செய்த போலீசார் 2 டன் அரிசி மற்றும் கடத்தலுக்கு பயன்படுத்திய சரக்கு வாகனத்தையும் பறிமுதல் செய்தனர்.