சேலம் மாவட்டத்தில் அடுத்த 5 நாட்களில் மிதமான மழை பெய்ய வாய்ப்பு - வேளாண்மை அறிவியல் நிலையம் அறிவிப்பு

சேலம் மாவட்டத்தில் அடுத்த 5 நாட்களில் லேசான மற்றும் மிதமான மழை பெய்ய வாய்ப்புள்ளது. வானம் மேக மூட்டத்துடன் காணப்படும். அதிகபட்ச வெப்பநிலை 40 டிகிரி செல்சியஸ் ஆகவும், குறைந்தபட்ச வெப்பநிலை 25 டிகிரி செல்சியஸ் ஆகவும் இருக்கும். காற்றின் வேகமானது மணிக்கு 6 கி.மீ வரை வீசக் கூடும்.

தற்போது நிலவும் வெப்ப நிலையில் கால்நடைகள் தானாக முன்வந்து குடிப்பதற்கு போதுமான குடிநீர் வைக்க வேண்டும். வெப்பநிலை சற்று உயர்ந்து வருவதால் கோழிகளில் வெப்ப அயற்சி ஏற்படுவதை தவிர்க்க கோழி பண்ணைகளில் 2 ஓரங்களிலும் நனைந்த சாக்கை கட்டி விட வேண்டும்.