ஊட்டி,
ஊட்டி நகராட்சி 10-வது வார்டுக்கு உட்பட்ட ரெட்கிராஸ் சாலை மற்றும் குடியிருப்பு பகுதியில் முட்புதர்கள் வளர்ந்து புதர்கள் போல காட்சி அளித்தன. எனவே அங்கு குவிந்து நிற்கும் முட்புதர்களை அகற்ற வேண்டும் என்று பொதுமக்கள் கோரிக்கை விடுத்தனர்.
இந்த நிலையில் ரெட்கிராஸ் சாலை மற்றும் குடியிருப்பு பகுதியில் உள்ள முட்புதர்களை அகற்றுவதற்காக, நகர மன்ற உறுப்பினர் அபுதாஹிர் முயற்சிகளை மேற்கொண்டார். இதன் அடிப்படையில் நகராட்சி ஊழியர்கள் அங்கு உள்ள முட்புதகர்களை வெட்டி அகற்றி சீர்படுத்தும் பணியில் ஈடுபட்டனர்.
அப்போது நகர மன்ற தலைவர் வாணிஸ்வரி மேகநாதன், 25-வது வார்டு நகர மன்ற உறுப்பினர் கீதா மற்றும் வருவாய்த்துறை, மின்வாரிய அதிகாரிகள் ஆகியோர் உடன் இருந்தனர்.