கஞ்சா வியாபாரியின் ரூ.22.50 லட்சம் மதிப்பிலான சொத்து முடக்கம்

தேனி மாவட்டத்தில் கஞ்சா விற்பனையை தடுக்க பல்வேறு நடவடிக்கைகள் மேற்கொள்ளப்பட்டு வருகின்றன. இந்த ஆண்டு தற்போது வரை கஞ்சா விற்பனை தொடர்பாக 66 வழக்குகள் பதிவு செய்யப்பட்டு 123 பேர் கைது செய்யப்பட்டுள்ளனர். இதில் 17 பேர் குண்டர் தடுப்பு சட்டத்தின்கீழ் கைது செய்யப்பட்டு சிறையில் உள்ளனர்.

மொத்தம் 335 கிலோ கஞ்சா பறிமுதல் செய்யப்பட்டுள்ளது. கடமலைக்குண்டு அருகே காமன்கல்லூரில் உள்ள தோட்டத்தில் கஞ்சா பதுக்கப்பட்டது தெரிய வந்தது. போலீசார் விசாரணையில் குமணன்தொழுவை சேர்ந்த கீரிப்பட்டி முருகன் (வயது52) என்பவர்தான் கஞ்சா பதுக்கியது தெரிய வந்தது. போலீசார் அவரை கடந்த 2017 ஆண்டு மார்ச் மாதம் கைது  செய்தனர். அங்கிருந்து 220 கிலோ கஞ்சா பறிமுதல் செய்யப்பட்டது. கோர்ட்டு அவருக்கு 10 ஆண்டு சிறை தண்டனை மற்றும் ரூ.1 லட்சம் அபராதம் விதித்துள்ளது.