சொகுசு விடுதியில் தங்கியுள்ள ஆதரவு எம்.எல்.ஏ.க்களை சந்திக்க புதுச்சேரி செல்கிறார் தினகரன்

பெண் எம்.எல்.ஏ.க்கள் ஜெயந்தி பரந்தாமன், சந்திர பிரபா, உமா மகேஸ்வரி ஆகியோர் வந்திருந்தனர். அவர்கள் தங்கள் கணவருடன் வந்தனர். அவர்களுக்கும் தனி அறை ஒதுக்கப்பட்டு இருந்தது. மற்ற ஆண் எம்.எல்.ஏ.க்களுடன் நண்பர்கள், உதவியாளர்கள் வந்திருந்தனர்.

அவர்கள் விடுதி உள்பகுதியில் தாராளமாக நடமாடி வருகிறார்கள். விடுதி வாசலில் தனியார் செக்யூரிட்டி பாதுகாவலர்கள் நிறுத்தப்பட்டு இருந்தனர். அங்கு கெடுபிடி எதுவும் இல்லை. யார் வேண்டுமானாலும் உள்ளே செல்வதற்கு அனுமதிக்கப்பட்டது.

ஆனால், பிரச்சினைகள் ஏற்படலாம் என்று கருதி இன்று காலையில் போலீஸ் பாதுகாப்பு போடப்பட்டது. இன்ஸ்பெக்டர் தலைமையில் 10-க்கும் மேற்பட்ட போலீசார் பாதுகாப்பு பணியில் உள்ளனர்.

இதற்கிடையே புதுவை சொகுசு விடுதியில் தங்கியுள்ள தனது ஆதரவு எம்.எல்.ஏ.க்களை சந்திக்க இன்று தினகரன் புதுச்சேரி செல்கிறார்.

ஆளுநர் எந்த முடிவும் சொல்லாமல் மும்பை சென்றுவிட்டதால் அடுத்தகட்ட நடவடிக்கை குறித்து தனது ஆதரவாளர்களுடன் தினகரன் ஆலோசனை நடத்துவார் என்று தெரிகிறது.