கட்டுப்பாட்டு அறைக்கு வரும் நூதன தொலைபேசி அழைப்புகள்- திண்டாடும் போலீசார்

அங்கு சென்ற போலீசாருடன், நான் மல்லேசுவரத்தில் உள்ள மகள் வீட்டுக்கு செல்ல வேண்டும். ஆஸ்பத்திரிக்கு செல்ல வேண்டாம் என்று கூறியுள்ளார். இதை கேட்டு அதிருப்தி அடைந்த போலீசார், மூதாட்டி என்பதால், வேறுவழியில்லாமல் காந்தம்மாவை மல்லேசுவரத்தில் உள்ள அவரது மகள் வீட்டிற்கு அழைத்து சென்று விட்டுள்ளனர்.

அதுபோல் ஒரு திருமணமான பெண், தனது கணவருடன் மோட்டார் சைக்கிளில் ஆஸ்பத்திரிக்கு சென்றுள்ளார். அங்கு வைத்து அவர்களுக்குள் தகராறு ஏற்பட்டுள்ளது. இதைதொடர்ந்து அந்த பெண், போலீஸ் கட்டுப்பாட்டு அறைக்கு போன் செய்துள்ளார். அப்போது நடந்த சம்பவத்தை கூறி விட்டு நான் எனது கணவருடன் வீட்டுக்கு செல்ல விரும்பவில்லை. எனவே வீட்டுக்கு செல்ல ஒய்சாலா வாகனத்தை அனுப்பும்படி கூறியுள்ளார்.

இதை கேட்டு அதிர்ச்சி அடைந்த போலீசார், பெண்ணுக்கு அறிவுரை கூறி கணவருடன் மோட்டார் சைக்கிளில் செல்ல அறிவுறுத்தினர். இதுபோன்ற நூதன அழைப்புகள் போலீஸ் கட்டுப்பாட்டு அறைக்கு தினமும் குறைந்தது 20-க்கும் மேற்பட்ட வினோத அழைப்புகள் வருவதாகவும், இதனால் போலீசார் திண்டாடி வருவதாகவும் கூறப்படுகிறது. இதுகுறித்து அறிந்த போலீஸ் உயர் அதிகாரி ஒருவர், அவசர தேவைக்காக மட்டுமே போலீஸ் கட்டுப்பாட்டு அறைக்கு பொதுமக்கள் தொடர்பு கொள்ள வேண்டும். இல்லையெனில் கடும் நடவடிக்கை எடுக்கப்படும் என்று எச்சரிக்கை விடுத்துள்ளார்.