கரூர் அருகே டெங்கு காய்ச்சல் விழிப்புணர்வு முகாம்

இதில் அப்பகுதியில் உள்ள 600-க்கும் மேற்பட்ட வீட்டைசுற்றிலும் உள்ள உடைந்த பிளாஸ்டிக் பொருட்கள், தேங்காய் சிரட்டைகள், தேவையற்ற பொருட்கள், டீ கப், உரல் பழைய டயர் ஆகியவற்றில் மழைநீர் தேங்கி நிற்பதை அகற்றப்பட்டது. மேலும் டெங்கு காய்ச்சல் வராமல் இருக்க நிலவேம்பு கசாயம் வழங்கப்பட்டது.

நடமாடும் சுகாதார மருத்துவ குழுவினர் பொதுமக்களிடம் டெங்கு காய்ச்சல் பரவி உள்ளதா என்பது குறித்து பொது மக்களிடம் பரிசோதனை செய்து மருந்து மாத்திரைகள் வழங்கினார்கள். மக்களுக்கு சுகாதாரத்துடன் இருப்பது குறித்தும், டெங்கு வராமல் தடுப்பது குறித்து உரிய ஆலோசனை வழங்கப்பட்டது. குடிநீர் மேல்நிலைத் தொட்டிகளில் குளோரின் பவுடர் போடப்பட்டது.