கொரோனா சமூக பரவலை தடுக்க விருதுநகர் மாவட்ட எல்லைகளில் தீவிர சோதனை

விருதுநகர் மாவட்டத்தில் நேற்று முன்தினம் வரை 25 பேர் கொரோனா தொற்றால் பாதிக்கப்பட்டனர். ஆஸ்பத்திரியில் அனுமதிக்கப்பட்ட அவர்களுக்கு மருத்துவக் குழுவினர் 24 மணி நேரமும் தீவிரமாக கண்காணித்து சிகிச்சை அளித்து வந்தனர். அதன் பலனாக 10 பேர் குணமடைந்து வீடு திரும்பினர்.

இந்நிலையில் நேற்று ஒரே நாளில் மட்டும் விருதுநகர் மாவட்டத்தில் 7 பேருக்கு கொரோனா பாதிப்பு இருப்பது தெரிய வந்தது. இது மாவட்ட நிர்வாகம் மற்றும் பொது மக்களிடையே பெரும் அதிர்ச்சியை ஏற்படுத்தி உள்ளது. இவர்கள் அனைவரும் விருதுநகர் மற்றும் வெளிநாடுகளில் இருந்து வந்தவர்கள் ஆவார்கள்.