லக்கிம்பூர் நோக்கி பிரமாண்ட ஊர்வலம் நடத்திய சித்து... எல்லையில் தடுத்து நிறுத்திய போலீஸ்

சகாரன்பூர்:

உத்தர பிரதேச மாநிலத்தின் லக்கிம்பூரில் கடந்த 3-ந்தேதி பா.ஜ.க.வினர் சென்ற கார், போராட்டம் நடத்திய விவசாயிகள் மீது மோதியது. இதில் இரண்டு விவசாயிகள் சம்பவ இடத்திலேயே உயிரிழந்தனர். இதனைத் தொடர்ந்து வன்முறை வெடித்தது. மொத்தம் 9 பேர் உயிரிழந்தனர். லக்கிம்பூர் வன்முறை சம்பவத்திற்கு நாடு முழுவதும் கண்டனக் குரல்கள் எழுந்துள்ளன. மத்திய மந்திரியின் மகன் மீது நடவடிக்கை எடுக்கும்படி எதிர்க்கட்சியினர் வலியுறுத்தி வருகின்றனர்.

இந்நிலையில்,  பஞ்சாப் மாநில காங்கிரஸ் தலைவர் நவ்ஜோத் சிங் சித்து தலைமையில் காங்கிரசார் லக்கிம்பூர் நோக்கி ஊர்வலமாக சென்றனர். லக்கிம்பூர் வன்முறையில் உயிரிழந்தவர்களின் குடும்பத்தினரை சந்தித்து ஆறுதல் கூற திட்டமிட்டிருந்தனர்.