திருச்சி மத்திய சிறையில் கைதிகளிடம் கஞ்சா பொட்டலம்- போதை மாத்திரைகள் பறிமுதல்

சம்பவத்தன்று திருச்சி மத்திய சிறையில் அடைக்கப்பட்டுள்ள நாகை மாவட்டம் கீழ்வேளூரை சேர்ந்த அப்பு என்கிற செல்வம் (வயது 25), சத்தியராஜ் (30), நாகப்பட்டினம் மேல்கரையை சேர்ந்த அய்யப்பன் (33) ஆகிய 3 கைதிகளையும் வழக்கு தொடர்பாக நாகப்பட்டினம் கோர்ட்டில் ஆஜர்படுத்துவற்காக போலீசார் அழைத்து சென்றனர்.

கோர்ட்டில் ஆஜர்படுத்தி விட்டு மீண்டும் திருச்சி மத்திய சிறைக்கு கொண்டு வந்தனர். சிறை வாசலில் கைதிகள் 3 பேரிடமும் சிறைக்காவலர்கள் சோதனை நடத்தினர். பின்னர் அவர்களை சிறைக்குள் உள்ள அறையில் அடைத்தனர். இதனிடையே சந்தேகம் அடைந்த சிறை காவலர்கள் கைதிகளை அடைத்த அறைக்கு சென்று திடீரென சோதனை நடத்தினர்.