தக்கலையில் நிச்சயதார்த்த நாளில் மாயமான கல்லூரி மாணவி காதலனுடன் தஞ்சம்

தக்கலை போலீசில் ஆதிரா, கூறும்போது, நானும், நிஷாந்த்தும் கடந்த 3 ஆண்டுகளாக காதலித்து வந்தோம். எனக்கு பெற்றோர் திருமண ஏற்பாடு செய்தனர். அதுபிடிக்காததால் வீட்டை விட்டு வெளியேறி காதலனுடன் சென்றேன்.

நாங்கள் திருச்செந்தூர் சென்று கோவிலில் மாலை மாற்றி திருமணம் செய்து கொண்டோம். எங்களுக்கு பாதுகாப்பு அளிக்க வேண்டும் என்று கூறினார்.

ஆதிரா-நிஷாந்த் ஜோடி போலீசில் தஞ்ச மடைந்ததை தொடர்ந்து போலீசார் இருவரின் பெற்றோருக்கும் தகவல் கொடுத்தனர்.

போலீஸ் நிலையம் வந்த அவர்களிடம் போலீசார் இருவரும் திருமணம் செய்த தகவலை கூறினர். ஆனால் ஆதிராவின் பெற்றோர் அவரை ஏற்க மறுத்தனர். நிஷாந்த்தின் பெற்றோர் அவர்களை ஏற்றுக்கொண்டனர். இதையடுத்து போலீசார் அவர்களை வாழ்த்தி அனுப்பி வைத்தனர்.