காங்கயம், தாராபுரத்தில் பயனாளிகளுக்கு நலத்திட்ட உதவிகள்- கலெக்டர் வழங்கினார்

சமூக நலத்துறையின் சார்பில் 10,12 வது படித்தவர்கள் மற்றும் பட்டம், பட்டயம் படித்தவர்கள் என 47 பயனாளிகளுக்கு திருமண நிதியுதவியாக ரூ.20 லட்சத்து 75 ஆயிரமும் தாலிக்கு ரூ.10 லட்சத்து 45 ஆயிரத்து 750 மதிப்பில் 8 கிராம் தங்கமும் மற்றும் வருவாய்த்துறையின் சார்பில் முதல்-அமைச்சர் உழவர் பாதுகாப்புத் திட்டத்தின்கீழ் 71 பயனாளிகளுக்கு ரூ.1 லட்சத்து 70 ஆயிரத்து 500 மதிப்பில் கல்வி உதவித் தொகையினையும், 2 பயனாளிகளுக்கு ரூ.1 லட்சத்து 62 ஆயிரத்து 500 மதிப்பில் விபத்து நிவாரண உதவித் தொகையினையும், 9 பயனாளிகளுக்கு ரூ.2 லட்சத்து 5 ஆயிரம் மதிப்பில் இயற்கை மரண உதவித் தொகையினையும், 50 பயனாளிகளுக்கு ரூ.2 லட்சத்து 50 அயிரம் மதிப்பில் புதிய மின்னணு குடும்ப அட்டைகளும், 4 பயனாளிகளுக்கு சிறு- குறு விவாசய சான்றிதழ்களும் 1 பயனாளிக்கு இதர பிற்படுத்தபட்டோர் சான்றிதழ்களும், 1 பயனாளிக்கு ஆண் குழந்தை இல்லை என சான்றும், 2 பயனாளிகளுக்கு விதவை சான்றும் மற்றும் 4 பயனாளிகளுக்கு வாரிசு சான்றும் என 144 பயனாளிகளுக்கு ரூ.39 லட்சத்து 8 ஆயிரத்து 750 மதிப்பிலான நலத்திட்ட உதவிகளை வழங்கினார்.

தொடர்ந்து, தாராபுரம் தாசில்தார் அலுவலகத்தில், தாராபுரம் வட்டத்தைச் சேர்ந்த பயனாளிகளுக்கு நலத்திட்ட உதவிகள் வழங்கும் விழா நடைபெற்றது. இவ்விழாவில் சமூக நலத்துறையின் சார்பில் 10, 12-வது படித்தவர்கள் மற்றும் பட்டம், பட்டயம் படித்தவர்கள் என 53 பயனாளிகளுக்கு திருமண நிதியுதவி, தாலி, கல்வி உதவி உள்ளிட்ட 437 பயனாளிகளுக்கு ரூ.77 லட்சத்து 55 ஆயிரம் 250- மதிப்பிலான நலத்திட்ட உதவிகளை கலெக்டர் வழங்கினார்.