குடியுரிமை சட்ட திருத்தத்துக்கு எதிர்ப்பு - கோவையில் கறுப்பு கொடி ஏற்றி போராட்டம்

மேற்கு மண்டல போலீசார் அடங்கிய சிறப்பு காவல்படையினர் டி.எஸ்.பி. தலைமையிலான 3 இன்ஸ்பெக்டர்கள், 9 சப்-இன்ஸ்பெக்டர்கள் மற்றும் 108 போலீசார் பாதுகாப்பு பணியில் ஈடுபட்டனர்.

முக்கிய இடங்களில் வஜ்ரா வாகனம் நிறுத்தப்பட்டு இருந்தது. கண்காணிப்பு காமிரா மூலமும் கண்காணித்தனர்.மேட்டுப்பாளையத்திலும் பலத்த பாதுகாப்பு போடப்பட்டு இருந்தது. கோவையில் போடப்பட்டுள்ள பாதுகாப்புகளை கூடுதல் டி.ஜி.பி. ஜெயந்த் முரளி பார்வையிட்டார்.

திருப்பூரில் குடியுரிமை சட்ட திருத்தத்துக்கு எதிர்ப்பு தெரிவித்து தமிழ்நாடு முஸ்லிம் முன்னேற்ற கழகம், தவ்ஹீத் ஜமாத் மற்றும் முஸ்லிம் அமைப்புகள் சார்பில் இன்று காங்கயம் சாலையில் சி.டி.சி.கார்னர் பகுதியில் 30-க்கும் மேற்பட்ட கடைகள் அடைக்கப்பட்டு இருந்தது. இன்று மாலை மாநகராட்சி அலுவலகம் முன் ஆர்ப்பாட்டம் நடைபெறுகிறது.

மேலும் அங்கிருந்து பேரணியாக சென்று யுனிவர் செல் தியேட்டர் பகுதியில் பொதுக்கூட்டம் நடத்த போவதாக ஜமாத் மற்றும் முஸ்லிம் அமைப்பினர் அறிவித்து உள்ளனர். இதனை தொடர்ந்து திருப்பூர் மாநகராட்சி மற்றும் யுனிவர் செல் தியேட்டர் பகுதியில் போலீசார் பாதுகாப்பு பணியில் ஈடுபட்டு உள்ளனர்.

ரோந்து பணியையும் தீவிரப்படுத்தி இருக்கிறார்கள்.