சதம் அடித்து கெய்ல் சாதனை

வெஸ்ட் இண்டீஸ் வீரர் கிறிஸ் கெய்ல், ஒரு நாள் கிரிக்கெட்டில் 3 ஆண்டுகளுக்கு பிறகு சதம் அடித்துள்ளார். அவரது 23-வது சதம் இதுவாகும். இதன்மூலம் அதிக சதங்கள் நொறுக்கியவர்களின் பட்டியலில் கெய்ல் 8-வது இடத்துக்கு முன்னேறியுள்ளார். இதுவரை அந்த இடத்தில் இருந்த இந்திய முன்னாள் கேப்டன் சவுரவ் கங்குலி (22 சதம்) 9-வது இடத்துக்கு தள்ளப்பட்டார்.

ஒரு நாள் போட்டியில் அதிக வயதில் சதத்தை ருசித்த வெஸ்ட் இண்டீஸ் வீரர் என்ற சிறப்பை கெய்ல் பெற்றுள்ளார். கெய்லின் தற்போதைய வயது 38 ஆண்டு 166 நாட்கள். இதற்கு முன்பு தேஸ்மான்ட் ஹெய்ன்ஸ் (38 ஆண்டு 18 நாள்) இந்த பெருமையை தக்கவைத்திருந்தார்.