என்னிடமே பிறப்பு சான்றிதழ் இல்லை- சந்திரசேகரராவ்

தெலுங்கானா ராஷ்டீரிய சமீதி கட்சிக்கு தனியாக கொள்கைகள், சித்தாந்தங்கள் இருக்கின்றன. அதில் ஒருபோதும் சமரசம் செய்யமாட்டோம்.

குடியுரிமை திருத்த சட்டம் மிகவும் கவலை அளிக்கக் கூடிய சட்டம் ஆகும். இந்திய அரசியல் அமைப்பின் ஒவ்வொரு பிரிவுக்கும் விரோதமாக இந்த சட்டம் அமைக்கப்பட்டுள்ளது.

குறிப்பாக அனைத்து மக்களையும் சாதி, மத வேறுபாடின்றி நடத்த வேண்டும் என்பதற்கு எதிராக இருக்கிறது. ஒரு குறிப்பிட்ட சமூகத்தை மட்டும் ஒதுக்கி வைக்கும் சட்டத்தை எந்த பண்பட்ட சமூகமும் ஏற்க மாட்டார்கள்.

குடியுரிமை திருத்த சட்டம் என்பது நாட்டின் எதிர்காலம், சர்வதேச அளவில் நாட்டின் தோற்றத்தை பிரதிபலிக்கக் கூடியது. இதுபோன்ற சட்டத்தால்தான் ஐ.நா.சபை உள்ளிட்ட உலக அமைப்புகளில் இந்தியாவின் நற்பெயர் குறைந்து வருகிறது.

நாங்களும் இந்த நாட்டில் ஒரு அங்கம். நாங்கள் அமைதியாக இருக்க மாட்டோம். எங்களால் என்ன செய்ய முடியுமோ அதை செய்வோம். யாருக்கும் அஞ்சமாட்டோம். குடியுரிமை திருத்த சட்டத்தால் தலைநகர் டெல்லியில் 50 பேர் வரை கொல்லப்பட்டுள்ளனர். இது சாதாரண விசயமல்ல. தேசத்தில் இப்போது நடக்கும் இந்த விவாதம் முக்கியமானது.

குடியுரிமை திருத்த சட்டம் குறித்து பாராளுமன்றத்தில் எங்கள் எதிர்ப்பை பதிவு செய்துள்ளோம். சட்டசபையிலும் விவாதித்து தீர்மானம் நிறைவேற்றுவோம்.

6 மாநிலங்கள் வரை சி.ஏ.ஏ.வுக்கு எதிராக தீர்மாணம் நிறைவேற்றி உள்ளன. அதுபோல நாங்களும் நிறைவேற்றுவோம்.

இவ்வாறு சந்திரசேகரராவ் பேசினார்.