சாம்பியன்ஸ் கோப்பை கிரிக்கெட்: பாகிஸ்தான் அணி மீது சூதாட்ட புகார்

இது குறித்து அமிர் சோகைல் டெலிவிஷன் விவாத நிகழ்ச்சியில் பேசுகையில், ‘பாகிஸ்தான் அணி இறுதிப்போட்டிக்கு முன்னேறியதன் பின்னணியில் வெளிப்புற காரணிகள் இருக்கின்றன. பாகிஸ்தான் அணி சிறப்பாக செயல்படாத நிலையில் இந்த முன்னேற்றம் குறித்து கேப்டன் சர்ப்ராஸ் அகமது விளக்கம் அளிக்க வேண்டியது அவசியம். நீங்கள் (பாகிஸ்தான்) வெற்றி பெறுவதற்கு யாரோ ஒருவர் உதவி செய்து இருக்கிறார்.

இந்த வெற்றியால் நீங்கள் மகிழ்ச்சி அடைய எந்த காரணமும் இல்லை. திரைக்கு பின்னால் என்ன நடந்தது என்பது எங்களுக்கு தெரியும். அந்த விவகாரத்துக்குள் செல்ல விரும்பவில்லை’ என்றார். அமிர் சோகைலின் கருத்து பெருத்த சர்ச்சையாக உருவெடுத்ததை தொடர்ந்து அவர் பல்டி அடித்தார். தான் சொன்னது தவறாக புரிந்து கொள்ளப்பட்டதாக தெரிவித்தார். அத்துடன் பாகிஸ்தான் அணி இறுதிப்போட்டியில் வெற்றி பெற வாழ்த்துகள் என்றும் கூறினார்.