சாம்பியன்ஸ் கோப்பை கிரிக்கெட்: இன்றைய ஆட்டத்தில் ஆஸ்திரேலியாவுக்கு அதிர்ச்சி அளிக்குமா நியூசிலாந்து?

புதிய ஊதிய ஒப்பந்த பிரச்சினை ஒரு பக்கம் இருந்தாலும் அதை கிரிக்கெட் வீரர்களின் சங்கம் பார்த்துக் கொள்ளும்; எங்கள் கவனம் எல்லாம் இந்த தொடர் மீதே இருக்கிறது என்று ஸ்டீவன் சுமித் கூறியுள்ளார். இது போன்ற தொடர் 4 ஆண்டு அல்லது 2 ஆண்டுக்கு ஒரு முறை தான் வருகிறது. அதை வெல்வது மிகவும் முக்கியமானது என்றும் சுமித் குறிப்பிட்டார்.

திடீரென சீறிப்பாயக்கூடிய ஒரு அணியான நியூசிலாந்து, ஆஸ்திரேலியாவுக்கு அதிர்ச்சி வைத்தியம் அளிக்க எல்லா வகையிலும் முயற்சிக்கும். கடந்த 6 மாதங்களில் இவ்விரு அணிகளும் இரண்டு முறை சேப்பல்-ஹாட்லீ கோப்பைக்கான ஒரு நாள் தொடரில் விளையாடியுள்ளன. இதில் இரு அணிகளும் தலா ஒன்றில் கோப்பையை வென்றது குறிப்பிடத்தக்கது. பயிற்சி ஆட்டத்தில் இலங்கைக்கு எதிராக 357 ரன்களை வெற்றிகரமாக துரத்திப்பிடித்தது, நியூசிலாந்துக்கு கூடுதல் நம்பிக்கையை அளித்துள்ளது.