ஒரூ மூட்டை சிமெண்ட்டின் விலை ரூ.8 ஆயிரம்: வெளிநாட்டில் அல்ல, இந்தியாவில் தான்

அருணாசலப்பிரதேச மாநிலத்தின் சங்லாங் மாவட்டத்தில் விஜோய்நகர் கிராமம் உள்ளது. இந்த பகுதி இந்தியா, சீனா மற்றும் மியான்மர் ஆகிய நாடுகள் சந்திக்கும் எல்லைப்பகுதியில் அமைந்துள்ளது. இங்கு சரியான வசதிகள் இல்லாததால் மக்கள் அப்பகுதிகளை விட்டு அருகில் உள்ள நகரங்களில் குடியேறி வருகின்றனர். தற்போது அந்த கிராமத்தில் சுமார் 1,500 பேர் வசித்து வருகின்றனர்.

தூய்மை இந்தியா திட்டத்தின் கீழ் நாடு முழுவதும் சுகாதார வசதிகளை மேம்படுத்தும் பணிகள் நடந்து வருகின்றன.  அத்திட்டத்தின் ஒரு பகுதியாக விஜோய்நகர் கிராம பகுதியிலும் பொது சுகாதார பொறியியல் துறையினர் வீடுகளுக்கு என தனியாக கழிவறை கட்டும் பணியில் ஈடுபட்டு உள்ளனர். இந்த திட்டத்திற்கு ஒரு வீட்டிற்கு மத்திய அரசு ரூ.10 ஆயிரத்து 800 மற்றும் மாநில அரசு 9 ஆயிரத்து 200 என நிதி ஒதுக்கீடு செய்துள்ளது.