சி.பி.எஸ்.இ. மதிப்பெண் குளறுபடி - விடைத்தாள் திருத்தத்தில் தவறு நடந்து இருக்கலாம்: டெல்லி ஐகோர்ட்டு கருத்து

இந்நிலையில், விடைத்தாள் மறுதிருத்தம் செய்யும் முறையை சி.பி.எஸ்.இ. ரத்து செய்ததை எதிர்த்து மாணவர்கள் தொடர்ந்த வழக்கு, டெல்லி ஐகோர்ட்டில் நீதிபதிகள் சஞ்சீவ் சச்தேவா, ஏ.கே.சாவ்லா ஆகியோர் அடங்கிய அமர்வு முன்பு நேற்று விசாரணைக்கு வந்தது. அப்போது, மதிப்பெண் குளறுபடி பற்றிய செய்தியை குறிப்பிட்ட நீதிபதிகள், ‘மதிப்பெண் கூட்டலிலேயே இவ்வளவு தவறுகள் நடந்திருந்தால், விடைத்தாள் திருத்தத்தில் எவ்வளவு தவறு நடந்திருக்கும்?’ என்று தெரிவித்தனர்.

அதற்கு சி.பி.எஸ்.இ. சார்பில் ஆஜரான வக்கீல், ‘மாணவர்களுக்கு விடைத்தாள் நகல் வழங்க முடிவு செய்யப்பட்டுள்ளது. இதனால், தவறுகளை சி.பி.எஸ்.இ. கவனத்துக்கு கொண்டு வந்தால், உரிய நடவடிக்கை எடுக்கப்படும்’ என்றார். இவ்வழக்கின் அடுத்தகட்ட விசாரணை 21-ந் தேதிக்கு (நாளை) ஒத்திவைக்கப்பட்டது.