சி.பி.சி.ஐ.டி.க்கு மாறிய சிலை மோசடி வழக்கு - குற்றவாளிகளை தப்ப வைக்க சதித்திட்டம்

சிலை மோசடி வழக்கில் ஸ்தபதி முத்தையாவையும், முன்னாள் கோவில் அதிகாரி கே.கே. ராஜாவையும் கைது செய்தனர். இச்செய்தி பக்தர்கள் மத்தியில் மகிழ்ச்சியை ஏற்படுத்தியது. இந்நிலையில் இவ்வழக்கில் தொடர்ந்து விசாரணை நடத்தினால் மேலும் பலர் இதில் சிக்குவார்கள் என்ற நிலையில் இவ்வழக்கை சி.பி.சி.ஐ.டிக்கு மாற்றி இருப்பது பல்வேறு சந்தேகங்களை உருவாக்குகிறது. இது எங்களை அதிர்ச்சிக் குள்ளாக்கியுள்ளது. அரசு குற்றவாளிகளை தப்பவிடுகிறதோ என்ற சந்தேகம் ஏற்படுகிறது என்றார்.

இந்து முன்னணியைச் சேர்ந்த செந்தில் கூறியதாவது:-

தமிழ்நாடு அரசு இந்த வழக்கை சி.பி.சி.ஐ.டிக்கு மாற்றியுள்ளது. அதற்கு என்ன காரணம் என்று தெரியவில்லை. ஐ.ஜி பொன்மாணிக்கவேல் 14 ஆண்டுகளுக்கு முன்பு நடந்த ஒரு மோசடி வழக்கை கண்டுபிடித்து மோசடி செய்தவர்களை சிறையில் அடைத்துள்ளார். ஆதாரம் இல்லாமல் அவர் அவர்களை கைது செய்தாரா? எல்லாத்திற்கும் ஆதாரம் இருந்ததால் தானே கைது செய்தார்கள். கைது செய்யப்பட்ட முத்தையா கூறும்போது இதில் நான் மட்டும் இல்லை எனக்கு பின்னால் பெரும் புள்ளிகள் பலர் உள்ளனர் என்று தெரிவித்துள்ளார். உண்மை குற்றவாளிகளை கண்டுபிடிப்பதற்கு பதிலாக இவ்வழக்கை சி.பி.சி.ஐ.டிக்கு அரசு மாற்றுவது குற்றவாளிகளை தப்பவிடுவதற்காகவோ என்ற சந்தேகத்தை ஏற்படுத்தியுள்ளது.

நவபாசான சிலை பாதுகாப்புக் குழு தலைவர் விமலபாண்டியன் கூறியதாவது:- திருச்சியில் நடைபெற்ற ராமஜெயம் கொலை வழக்கை சி.பி.சி.ஐ.டி போலீசார் இது வரை கண்டிபிடிக்கவில்லை. இதேபோல பல வழக்குகள் சி.பி.சி.ஐடி போலீசார் கண்டு பிடிக்கப்படாமல் கிடப்பில் போடப்பட்டுள்ளது. 14 ஆண்டுகளுக்கு முன்பு இருந்த அறநிலையத்துறை அமைச்சர் மற்றும் அதிகாரி களையும் விசாரித்து நடவடிக்கை எடுக்கப்பட வேண்டிய நிலையில் தமிழக அரசு இந்த வழக்கை நேர்மையான அதிகாரியான பொன்மாணிக்க வேலிடமிருந்து மாற்றி சி.பி.சி.ஐ.டியிடம் தருவது உள்நோக்கம் கொண்டதாகும் என்றார். #tamilnews