வாத்தலை அருகே காவிரி ஆற்று புதை மணலில் சிக்கி பள்ளி மாணவன் பலி

மண்ணச்சநல்லூர்:

திருச்சி பாலக்கரை காஜா பேட்டையைச் சேர்ந்தவர் அன்பழகன். முடி திருத்தும் தொழிலாளி. இவருக்கு பரத், ராஜே‌ஷ(வயது10) என்ற இரு மகன்கள் இருந்தனர்.இவர்களில் ராஜேஷ் அப்பகுதியில் உள்ள பள்ளியில் 6-ஆம் வகுப்பு படித்து வந்தான். காணும் பொங்கலை கொண்டாடுவதற்காக அன்பழகன் நேற்று தனது மகன்களுடன் முக்கொம்பு வந்திருந்தார். முக்கொம்பில் உள்ள பொழுது போக்கு அம்சங்களை பார்த்து கழித்த அவர்கள் மதியம் வாத்தலை காவிரியில் நடுக்கரையை ஒட்டி 39-ஆவது ‌ஷட்டர் உள்ள பகுதியில் குளித்துக் கொண்டிருந்தனர்.