கரூர், புதுக்கோட்டை, பெரம்பலூர், அரியலூரில் இன்று கடையடைப்பு

இதேபோல் வியாபாரிகளின் போராட்டத்திற்கு ஆதரவாக கரூர் மாவட்டத்தில் 2500 லாரிகள் இன்று இயக்கப்படவில்லை. சரக்குகளை கையாள முடியாததால் ஒரு நாளைக்கு ரூ.10 கோடி அளவுக்கு வர்த்தகம் பாதிக்கப்பட்டுள்ளது

புதுக்கோட்டை மாவட்டத்தில் கந்தர்வக்கோட்டை, ஆலங்குடி, பொன்னமராவதி உள்பட மாவட்டம் முழுவதும் சுமார் 40 ஆயிரம் கடைகள் இன்று அடைக்கப்பட்டன. புதுக்கோட்டையில் கீழராஜ வீதி, தெற்குராஜ வீதி, வெல்ல மண்டி தெரு, வடக்கு ராஜவீதி, பர்மியான் பஜார், காய்கறி மார்க்கெட், பூ மார்க்கெட், பிருந்தாவனம், டி.வி.எஸ்.கார்னர், பஸ் நிலையம் உள்பட அனைத்து இடங்களிலும் உள்ள கடைகள் அடைக்கப்பட்டன. அறந்தாங்கி பகுதிக்குட்பட்ட நாகுடி, ஆவுடையார் கோவில், சுப்பிரமணியபுரம், ஆவணத்தான்கோட்டை, அத்தாணி உள்பட பல்வேறு பகுதிகளில் கடைகள் அனைத்தும் அடைக்கப்பட்டன. அறந்தாங்கி வாரச்சந்தை இன்று ரத்து செய்யப்பட்டது. தினசரி மார்க்கெட் இயங்கவில்லை.