காரிமங்கலம் அருகே மரக்கிளையில் தூக்கில் தொங்கிய நிலையில் பிணமாக கிடந்த விவசாயி

பின்னர் போலீசார் மரத்தில் கிடந்த சின்னசாமியின் உடலை மீட்டு கீழே கொண்டு வந்தனர். அவரது உடலை பிரேத பரிசோதனைக்காக தர்மபுரி அரசு மருத்துவ கல்லூரி மருத்துவமனைக்கு அனுப்பி வைத்தனர். இது குறித்து உறவினர்கள் போலீசாரிடம், சின்னசாமி கையில் முறிவு ஏற்பட்டு கட்டுபோட்டுள்ளதால் அவரால் 20 அடி உயரமுள்ள மர கிளையில் எப்படி தூக்குபோட்டு தற்கொலை செய்துகொள்ள முடியும்?  ஏற்கனவே சின்னசாமி, தன்னை தாக்கியதாக மருமகன் அருள் மற்றும் அவரது குடும்பத்தார் மீது போலீசில் புகார் தெரிவித்துள்ளார். அந்த வழக்கை போலீசார் விசாரணை நடத்தி வரும் நிலையில் தற்போது, சின்னசாமி இறந்துள்ளதால் அவரது சாவில் சந்தேகம் எழுந்துள்ளது என்று கூறி புகார் தெரிவித்துள்ளனர். அதன்பேரில் போலீசார் வழக்கு பதிவு செய்து விசாரணை நடத்தி வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.