போலீஸ், பணத்தை வைத்து பாஜக மிரட்டுகிறது: பெங்களூரில் தங்கியுள்ள குஜராத் காங். எம்.எல்.ஏ.க்கள் கதறல்

பெங்களூருவை அடுத்த 50 கிலோ மீட்டர் தூரத்தில் உள்ள ஈகிள்டன் சொகுசு விடுதியில் தங்கி உள்ள குஜராத் எம்.எல்.ஏ பரேஷ் தன்னி கூறியதாவது:-

நாங்கள் இங்கு தங்கி இருக்க முழுக்க முழுக்க காரணம் பாரதிய ஜனதா கட்சி தான். குஜராத்தில் பாரதிய ஜனதா நிறைய பணம் கொடுத்து காங்கிரஸ் எம்.எல்.ஏக்களை விலைக்கு வாங்குகிறது. அரசு எந்திரத்தை கொண்டும், போலீசாரைக் கொண்டும் எம்.எல்.ஏ.க்களை மிரட்டி வருகிறது. நாங்கள் இங்கு அடைத்து வைக்கப்பட்டு இருப்பதாக கூறுவது தவறு. நாங்கள் எங்கள் குடும்பத்தாருடனும், நண்பர்களுடனும் தொடர்பில் இருக்கிறோம்.

குஜராத் முதல் மந்திரி தேவை இல்லாமல் காங்கிரஸ் எம்.எல்.ஏ.க்கள் சொகுசு விடுதியில் விடுமுறையை கழிப்பதாகவும், குஜராத் வெள்ள நிலவரம் பற்றி அவர்கள் கவலைப் படவில்லை என்றும் குற்றம் சாட்டுகிறார். இதற்கு காரணம் பாரதிய ஜனதா என்பதை அவர் நினைவில் கொள்ள வேண்டும்.

இவ்வாறு அவர்கூறினார்.

இதே கருத்தை கியாசுதீன் ஷேக் உள்ளிட்ட பிற எம்.எல்.ஏக்களும் கூறினர்.