சங்கரன்கோவில் அருகே பைக் மீது கார் மோதல்: ஒரே குடும்பத்தில் 3 பேர் பலி

மேலும் அவர்கள் திடீரென நெல்லை-சங்கரன்கோவில் சாலையில் திரண்டு மறியலில் ஈடுபட்டனர். இதனால் அப்பகுதியில் வாகனங்கள் செல்ல முடியாத நிலை ஏற்பட்டது. விபத்தை ஏற்படுத்திய கார் டிரைவரை உடனடியாக கைது செய்ய வேண்டும். அய்யப்பன் குடும்பத்திற்கு அரசு நிவாரணம் வழங்க வேண்டும். நெல்லை-சங்கரன்கோவில் சாலையில் 108 ஆம்புலன்ஸ் சேவைகளை ஏற்படுத்தி கொடுக்க வேண்டும். வேகத்தடைகள் அமைக்க வேண்டும் என்பன உள்ளிட்ட கோரிக்கைகளை வலியுறுத்தி 3 பேரின் உடல்களையும் எடுக்க விடாமல் போராட்டத்தில் ஈடுபட்டனர்.

அதிகாரிகள் வந்து பேச்சுவார்த்தை நடத்தியதில் உடன்பாடு ஏற்பட்டதை தொடர்ந்து அவர்கள் மறியலை கைவிட்டனர். இந்த மறியல் காரணமாக 2 மணி நேரம் போக்குவரத்து பாதிக்கப்பட்டது. இதனால் சங்கரன்கோவிலில் இருந்து வந்த வாகனங்கள் குருக்கள் பட்டி அருகே உள்ள சண்முக நல்லூரில் நிறுத்தப்பட்டது. நெல்லையில் இருந்து வந்த வாகனங்கள் தேவர்குளம் வழியாக மாற்றுப்பாதையில் திருப்பி விடப்பட்டது. பின்னர் அய்யப்பன், செல்வி, ஜோதி ஆகியோரின் உடல்களை போலீசார் கைப்பற்றி நெல்லை அரசு ஆஸ்பத்திரிக்கு அனுப்பி வைத்தனர்.