பிசிசிஐ-யின் ஜெனரல் மானேஜராக சபா கரிம் நியமனம்

இந்திய கிரிக்கெட் வாரியத்தின் கிரிக்கெட் ஆபரேசன்ஸ் ஜெனரல் மானேஜராக இருந்த டாக்டர் எம்.பி. ஸ்ரீதர் தனது பதவியை ராஜினாமா செய்தார். இதனால் ஜி.எம். பதவி காலியாக இருந்தது. இந்த பதவிக்கு போட்டியிட விரும்புவோம், விண்ணப்பம் செய்யலாம் என்று பிசிசிஐ கடந்த அக்டோபர் மாதம் 23-ந்தேதி வரை அவகாசம் கொடுத்திருந்தது. இந்த பதவிக்கான விண்ணப்பத்தை பிசிசிஐ தனது இணைய தளத்தில் வெளியிட்டிருந்தது.

விண்ணப்பம் செய்திருந்த விண்ணப்பங்களை சரிபார்க்கும் பணி முடிவடைந்ததையொட்டி, முன்னாள் விக்கெட் கீப்பரான சபா கரிமை ஜெனரல் மானேஜராக பிசிசிஐ நியமித்துள்ளது. இவர் வரும் 1-ந்தேதியில் இருந்து பதவி ஏற்க இருக்கிறார்.