சபரிமலை கோவிலில் படிபூஜையால், 3 மணிநேரம் காத்திருக்கும் ஐயப்ப பக்தர்கள்

மண்டல பூஜையின் போது 18-ம் படி ஏற முடியாமல் காத்திருப்பது பல ஐயப்ப பக்தர்களை வேதனையில் ஆழ்த்தி உள்ளது. இதுபற்றி ஐயப்ப பக்தர்கள் கூறியதாவது:-

அதிக கட்டணம் செலுத்தி செய்யப்படும் படிபூஜையை வசதிபடைத்தவர்களே செய்கிறார்கள். ஆனால் சபரிமலை கோவிலுக்கு வரும் ஏராளமான பக்தர்கள் ஏழைகள் ஆவர். எனவே அவர்களை கருத்தில் கொண்டு படிபூஜையை மீண்டும் மாதாந்திர பூஜை காலங்களிலேயே நடத்த நடவடிக்கை எடுக்க வேண்டும்.

இவ்வாறு அவர்கள் கூறினர்.

சபரிமலையில் உள்ள மாளிகைபுரத்தம்மன் கோவில் புதிய மேல் சாந்தியாக பரமேஸ்வரன் நம்பூதிரி தேர்வு செய்யப்பட்டார். சபரிமலை கோவில் நடை திறந்த கடந்த 16-ந்தேதி அவர் பதவியேற்க இருந்தார். ஆனால் அவரது உறவினர் ஒருவர் மரணமடைந்ததால் பதவியேற்பு தள்ளிவைக்கப்பட்டது.

இதைத்தொடர்ந்து நேற்று பரமேஸ்வரன் நம்பூதிரி புதிய மேல்சாந்தி பதவியை ஏற்றுக்கொண்டார். அவருக்கு சபரிமலை தந்திரி கண்டரரு மகேஷ்மோகனரு மந்திரங்கள் உபதேசித்தார். இன்று முதல் அங்கு நடைபெறும் அனைத்து பூஜைகளையும் பரமேஸ்வரன் நம்பூதிரி நடத்துவார்.