ஜி.எஸ்.டி. முறையை சீர்குலைக்க நடந்த முயற்சி தோல்வி: அமெரிக்காவில் அருண் ஜெட்லி பேச்சு

ஜி.எஸ்.டி. வரி விதிப்பில், 5 சதவீத வரி கூட உள்ளது. எந்த நாட்டிலும் இவ்வளவு குறைவான வரி சதவீதம் இல்லை. ரூ.1 கோடி வரை வர்த்தகம் செய்பவர்களுக்கு சிறப்பு திட்டம் அறிவித்துள்ளோம்.

இளைய தலைமுறையினர் மின்னணு முறையிலான பண பரிமாற்றத்துக்கு மாறிவிட்டனர். அரசின் பல்வேறு மானியங்கள், வங்கி கணக்கு மூலமாக வழங்கப்பட்டு வருகின்றன. மத்திய அரசு கடந்த 3 ஆண்டுகளாக எடுத்த நடவடிக்கைகள் காரணமாக, வர்த்தகம் செய்வதற்கு உகந்த நாடாக இந்தியா திகழ்கிறது. வரி குறித்த 99 சதவீத விசாரணைகள் ஆன்லைன் மூலமாகவே மேற்கொள்ளப்படுகின்றன. பெரிய முடிவுகளை எடுத்து, அதை பெரிய அளவில் அமல்படுத்தக்கூடிய திறன், இந்தியாவுக்கு உள்ளது.

சுமார் 250 நெடுஞ்சாலை திட்டங்கள், கட்டுமான நிலையில் உள்ளன. மின்சாரம் உபரியாக உள்ளது. துறைமுகங்களின் கையாளும் திறன் அதிகரித்துள்ளது.

இவ்வாறு அருண் ஜெட்லி பேசினார்.