சொத்துக்குவிப்பு வழக்கு: மத்திய அரசு அதிகாரி, மனைவிக்கு சிறை தண்டனை

சென்னை:

சென்னையில் உள்ள இந்திய உணவுக்கழகத்தில் துணை பொதுமேலாளராக பணியாற்றியவர் ஆர்.துரைராஜ். இவரது மனைவி சாருமதி. இவர், சென்னை தேனாம்பேட்டையில் உள்ள மாநில தலைமை கணக்காயர் அலுவலகத்தில் அதிகாரியாக உள்ளார். 2002-ம் ஆண்டு ஜனவரி 1-ந் தேதி முதல் 2009-ம் ஆண்டு செப்டம்பர் 30-ந் தேதி வரையிலான காலக்கட்டத்தில் துரைராஜ், வருமானத்துக்கு அதிகமாக ரூ.78.47 லட்சத்துக்கு சொத்து சேர்த்ததாக சி.பி.ஐ. போலீசார் வழக்குப்பதிவு செய்தனர். இந்த வழக்கின் குற்றப்பத்திரிகை கோர்ட்டில் தாக்கல் செய்யப்பட்டது.