கிழக்கு லடாக் எல்லையில் ராணுவ தளபதி ஆய்வு- சீனாவுடன் போராடிய வீரர்களுக்கு பாராட்டு

இந்த மோதலால் இரு நாடுகளுக்கும் இடையே போர் மூளும் சூழ்நிலை நிலவி வருகிறது. போரை எதிர்கொள்ளும் அளவிற்கு படைகள் தயார்படுத்தப்பட்டன. அதேசமயம் பிரச்சினையை பேச்சுவார்த்தை மூலம் தீர்க்கவும் முயற்சிகள் மேற்கொள்ளப்பட்டு வருகிறது. இந்திய-சீன ராணுவ கமாண்டர் அளவிலான இரண்டாம் கட்ட பேச்சுவார்த்தையில் இரு நாடுகளும் படைகளை திரும்ப பெற ஒப்புக்கொண்டுள்ளன.

இந்நிலையில், இந்திய ராணுவ தளபதி மனோஜ் முகுந்த் நரவனே, எல்லைப் பகுதியை பார்வையிடுவதற்காக நேற்று லடாக் சென்றார். லே பகுதியில் உள்ள மருத்துவமனையில் சிகிச்சை பெற்று வரும் படைவீரர்களிடம் நலம் விசாரித்தார். தொடர்ந்து பாதுகாப்பு ஏற்பாடுகள் குறித்து ஆய்வு செய்தார்.